സ്വപ്നങ്ങളുടെ കടന്നാക്രമണമാണ്
ഉറക്കത്തിലും ഉണർവ്വിലും
തെറ്റി വീഴാവുന്ന കടവിലെ വഴിയും
പൂവരശ്പൂ വീണ വീട് മുറ്റവും
അടിപിടിയിട്ട്
രണ്ട് വശവും വന്ന് കിടക്കും
ഓർത്തു നോക്കുമ്പോഴൊക്കെ
ഞാൻ വീട്ടിലുണ്ട്
കിഴക്കേ മുറിയുടെ
കമ്പിജനാലയിൽ കൈ വെച്ച്
അടുപ്പത്ത്
അരി തിളയ്ക്കുന്നുണ്ട്
ആ തീയണഞ്ഞോന്ന്
നോക്കേടിയെന്ന
മമ്മിയുടെ വിളിയിൽ
ഉറപ്പായും ഞാൻ
ഉണർന്നെഴുന്നേൽക്കും
പുറത്ത് മഞ്ഞുവീഴ്ച നിന്നിട്ടില്ല
എന്നിട്ടും ഞാനെന്താണിങ്ങനെ
വിയർക്കുന്നത്
No comments:
Post a Comment