തിരക്കുകള്ക്കിടയിലും
തിരഞ്ഞു പിടിച്ചു
ചില വാക്കുകളെ
നാട് കടത്തുകയാണ്
'നീ' ,
'ഒറ്റക്കാകല് ' ,
'ഞാന്' ,
'ഉമ്മ ',
'പ്രണയം'
സ്വപ്നത്തില്
ഇനിയെന്തിനെക്കുറിച്ച്
ശര്ദ്ദിക്കുമെന്നാണ്
ഇപ്പോഴത്തെ ആശങ്ക
കാര്ക്കിച്ചു തുപ്പുന്ന
കണ്ണുകളാണ്
മുറിയുടെ
ചുവരുകള് നിറയെ
തുപ്പലിനൊക്കെ
ആനാന് വെള്ളത്തിന്റെ
തണുപ്പെന്നത്
തീരെ അറപ്പില്ലാത്തൊരു
തിരിച്ചറിവാണ്
ഈര്ച്ചകേടുകള്ക്കിടയിലും
കൈ വിറക്കാതെയെന്നെ
കെട്ടി തൂക്കുന്നൊരുപിരിയന്
കയറാണ്
ഈ മാസബഡ്ജറ്റിലെ
ആദ്യ വസ്തു
ആരെ കാട്ടി പേടിപ്പിക്കുവാനാണ്
എന്നത്
എന്നെ ബാധിക്കുന്ന
പ്രശ്നമല്ല
ഇടയ്ക്കിടെ നോക്കി
സ്വയം പേടിക്കാനുമല്ല
എനിക്കെന്നെ തന്നെ
വേണ്ടാതെ വരുമ്പോള്
ഒറ്റ ഊഞ്ഞാലാട്ടത്തിലീയാകാശത്തിന്റെ
അങ്ങേ അറ്റത്ത്
കൈ എത്തി
തൊടാമെന്നു
വെറുതെ
ഒന്നുറപ്പിക്കാനാണ്
നിലത്തുറക്കാത്ത
കാലുകളും
ഊതി വിടുന്ന
പുകച്ചുരുളുകളും
മാത്രമായിരുന്നു
ഈ ജീവിതമെങ്കില്,
ദിവസ വാടകക്കെങ്കിലും
അതൊന്നു കിട്ടിയിരുന്നെങ്കില്
അത്ര മേല് അറുബോറായ
എന്റെ ജീവിതമേനിന്നെയേന്നെ ഞാനീ
ഉത്തരത്തില് കെട്ടി തൂക്കിയേനെ
❤
ReplyDelete